Тілімізде көбіміз түсіне бермейтін сөз тіркестері баршылық. Сондай сөз тіркестерінің бірі – «атой салу». Сіз бұл тіркестің мағынасын білесіз бе?

Атой салу – елге жау тигенде немесе жауға қарсы шапқанда айбат шегіп, сес көрсететін әрекет. Сондай-ақ, сарбаздардың аттарын ойқастата қырға шығуын да атой салды деп жатады. Батырлардың қарсыласын жекпе-жекке шақыратын айбынды әрекетін де атой салу дейді. 

«Атой салу» сөз тіркесін онлайн сөздікте "алақайға салып жүгіру" деп те аударады. 

Біз, Stan.kz редакциясы, қазақстандықтар қазақ тілінде сауатты жазып, сөйлегенін қалаймыз. Осы орайда, "Таза тіл" шығарылымдар сериясын жарияладық.

Қазақ тілінде сөйлеуде тағы қандай сәттерде қиындық туындайды? Адамдар қай кезде жиі қателеседі? Егер сауалдарыңыз болса, келесі форма арқылы бізге сұрақ жолдаңыз