Шығыс Қазақстан облысының Бесқарағай ауданында Омбы-Майқапшағай жолы бойында шопанға арналған ескерткіш қойылды.

Бұл туралы YK-news.kz хабарлайды.

Мүсінді салуда автор Шопан атаның образын негізге алған.

«Бұл бастаманы ата-аналары шабан болған Бесқарағай ауданынан шыққан елордалық меценаттар да қолдай кетті. Алдағы уақытта ескерткіш аумағын кеңейтеміз деп жоспарлап отырмыз. Ол «Нұрлы жол» бағдарламасы бойынша іске асады», – дейді аудан әкімі Ерболат Рахметуллин.

Ескерткіш мүсін қолында қозы ұстап тұрған, жанында қой отары жайылып жүрген кейіпте қашалған. Ескерткіште «Ұлы даланың еңбекқорларына тағзым» деген жазба бар.