"Жақында Қарақат Әбілдина "Әзірет Сұлтан" мешітінің бірінші қабатында орналасқан мейрамханада кеш өткізу туралы өтініш қалдырып кеткен болатын. Шамамен отыз әйел жиналған туған күн кешінде барлық салт-дәстүр орындалып, Құран оқылды. Бірақ кештің соңында әншінің ән айтатыны жайлы келіскен жоқ болатынбыз. Себебі, бұл мешіттегі тәртіп сақтау ережелеріне қайшы келеді", - деді ҚМДБ өкілдері.

Сондай-ақ, олардың айтуынша, мешіттің бірінші қабатында ұлттық салт-дәстүрлерге қатысты іс-шаралар өтіп тұрады. Бірақ, мұндай шаралар негізгі залда дұға етіп жатқандарға кедергі келтірмейді екен.

Еске сала кетейік, қазақстандық әншінің туған күнін мешітте өткізуі әлеуметтік желі қолданушылары арасында үлкен шу шығарған болатын. Қазнет қолданушылары бұл әрекет үшін тек Қарақатты емес, сондай-ақ, имамдарды да жауапкершілікке тартуды талап еткен еді. Ал кейінірек Қарақат Әбілдинаның өзі Instagram желісіндегі парақшасында осы жағдайға қатысты пікір білдірген болатын.

Дереккөз: Tengrinews.kz